ಅಪ್ಸರಕೊಂಡಾ-ಮುಗ್ಳಿ: ಕರ್ನಾಟಕದ ಮೊದಲ ಸಮುದ್ರ ವನ್ಯಜೀವಿ ಅಭಯಾರಣ್ಯ

ಉತ್ತರ ಕನ್ನಡ ಜಿಲ್ಲೆಯ ಹೊನ್ನಾವರ ತಾಲ್ಲೂಕಾ ಕೇಂದ್ರದಿಂದ 6 ಕಿಮೀ ದೂರವಿರುವ ಕಡಲ ತೀರ ಮತ್ತು ಅದಕ್ಕೆ ಸಮೀಪದ ಅರಣ್ಯ ಪ್ರದೇಶ ಸೇರಿದಂತೆ 5,959.322 ಹೆಕ್ಟೇರ್ ಭೂಮಿಯನ್ನು 'ಅಪ್ಸರಕೊಂಡಾ-ಮುಗ್ಳಿ ಸಮುದ್ರ ವನ್ಯಜೀವಿ ಅಭಯಾರಣ್ಯವಾಗಿ ಘೋಷಿಸುವ ರಾಜ್ಯ ಸಚಿವ ಸಂಪುಟದ ಪ್ರಸ್ತಾವನೆಗೆ ಅನುಮೋದನೆ ದೊರೆತಿದೆ. ಮುಖ್ಯಮಂತ್ರಿಗಳು ಶ್ರೀ ಸಿದ್ದರಾಮಯ್ಯ ನೇತೃತ್ವದಲ್ಲಿ ವಿಧಾನಸೌಧದಲ್ಲಿ ಗುರುವಾರ ನಡೆದ ಸಚಿವ ಸಂಪುಟ ಸಭೆಯಲ್ಲಿ ಈ ನಿರ್ಧಾರ ತೆಗೆದುಕೊಳ್ಳಲಾಯಿತು

ಹಿನ್ನೆಲೆ:

ಭಾರತದ ಕರಾವಳಿ ಪ್ರದೇಶಗಳ ಸಮುದ್ರ ಜೀವವೈವಿಧ್ಯವನ್ನು ರಕ್ಷಿಸಲು ಭಾರತ-ಬ್ರಿಟನ್‌ಗಳ ನಡುವಿನ ಸಹಯೋಗದ ಭಾಗವಾಗಿ ‘Ocean Country Partnership Programme (OCPP)’ ರೂಪುಗೊಂಡಿದೆ. ಇದರಡಿಯಲ್ಲಿ ಕರ್ನಾಟಕದ ಹೊನ್ನಾವರ ಸಮೀಪದ ಮುಗ್ಲಿ-ಅಪ್ಸರ್ಕೊಂಡಾ ಪ್ರದೇಶದಲ್ಲಿ ಅಧ್ಯಯನ ಕೈಗೊಳ್ಳಲಾಗಿತ್ತು. ಈ ಅಧ್ಯಯನವು ಈ ಕೆಳಗಿನ ಅಂಶಗಳನ್ನ ಒಳಗೊಂಡಿದೆ

ಅಭಯಾರಣ್ಯ ಘೋಷಣೆಯ ಉದ್ದೇಶ:

    ಕಣ್ಮರೆಯಾಗುವ ಹಂತದಲ್ಲಿರುವ (endangered) ಪ್ರಜಾತಿಗಳನ್ನು ರಕ್ಷಿಸಲು, ಕರಾವಳಿ ಪರಿಸರಗಳ ನಾಶವನ್ನು ತಡೆಯಲು, ಮತ್ತು ಸ್ಥಳೀಯ ಜೀವಜಾಲದ ಪುನಶ್ಚೇತನಕ್ಕೆ ಸಹಾಯಮಾಡಲು ಈ ಯೋಜನೆ ಕೈಗೊಳ್ಳಲಾಗಿದೆ.

ಪ್ರಧಾನ ಜೀವಿಗಳೆಂದರೆ:

• ತೇಲುವ ಕೊರೆತಿಮೀನುಗಳು
• ಆಲಿವ್ ರಿಡ್ಲಿ ಕಡಲ ಆಮೆಗಳು
• ಹಂಪ್ಬ್ಯಾಕ್ ತಿಮಿಂಗಿಲಗಳು
• ಮ್ಯಾಂಗ್ರೋವ್ ಮರಗಳು ಇತ್ಯಾದಿಗಳು

ಲಾಗೂವಾಗುವ ಕಾನೂನುಗಳು:

'ಅಪ್ಸರಕೊಂಡಾ-ಮುಗ್ಳಿ ಸಮುದ್ರ ವನ್ಯಜೀವಿ ಅಭಯಾರಣ್ಯವಾಗಿ ಘೋಷಿಸುವ ಮೂಲಕ ಈ ಕೆಳಗಿನ ಕಾಯ್ದೆ ಕಾನೂನು ಲಾಗೂ ಅಗುತ್ತವೆ. Wildlife Protection Act, 1972 ಕಾಯ್ದೆಯ ಅಡಿಯಲ್ಲಿ ಘೋಷಣೆ ಅಳವಡಿಕೆಯಾಗುವ ನಿಯಮಗಳು:

ಯಾವುದೇ ಸ್ಫೋಟಕ ಕಾರ್ಯಾಚರಣೆ, ಇಂಧನ ಶೋಧನೆ, ಮೀನುಗಾರಿಕೆ, ಪ್ರವಾಸೋದ್ಯಮ, ಮರಳುಕಲ್ಲು ಗಣಿಗಾರಿಕೆ, ಆಮೆಗಳ ಮೊಟ್ಟೆ ಸಂಗ್ರಹಣೆ, ಕಡಲು ಆಮೆಗಳ ಅಥವಾ ತಿಮಿಂಗಿಲಗಳ ನಾಶ, ಕಂಡ್ಲಾ ಕಾಡು ನಾಶಗಳು ಮೊದಲಾದ ಮಾನವ ಕ್ರಿಯೆಗಳ ಮೇಲೆ ನಿಯಂತ್ರಣ. ಸಮುದ್ರ ಜೀವಿಗಳಿಗೆ ರಕ್ಷಣಾ ಕೇಂದ್ರ ಸ್ಥಾಪನೆಯ ಯೋಜನೆ. ಇದರಿಂದ ಮೀನುಗಾರರ ಮೇಲೆ ಮತ್ತು ಅವರ ಕಾರ್ಯ ಚಟುವಟಿಕೆಗಳ ಮೇಲೆ ನಿಯಂತ್ರಣ ಮತ್ತು ಕಾನೂನು ಹೇರಿಕೆಯಾಗುತ್ತದೆ. ಸ್ಥಳದಲ್ಲಿ ಪ್ಲಾಸ್ಟಿಕ್ ಉಪಯೋಗ, ಮಾಲಿನ್ಯ, ಬಟ್ಟೆ ತೊಳೆಯುವ ಕ್ರಿಯೆಗಳು ನಿಷೇಧವಾಗಿರುತ್ತವೆ.

ಆದರೆ ಸರಕಾರದ ಪೂರಕ ಕಾರ್ಯಕ್ರಮ ಜಾರಿಯಾದರೆ ಸ್ಥಳೀಯರಿಗೆ ಲಾಭವಾಗಬಹುದು. ನಿಯಂತ್ರಿತ ಪ್ರವಾಸೋದ್ಯಮಕ್ಕೆ ಅವಕಾಶ ನೀಡಲಾಗುತ್ತದೆ, ಅಂದರೆ ಕ್ಲಿಯರೆನ್ಸ ಮತ್ತು ನೋ-ಅಬ್ಜೆಕ್ಷನ ಪ್ರಮಾಣ ಪತ್ರದೊಂದಿಗೆ ಸ್ಥಳೀಯ ಪ್ರವಾಸೋಧ್ಯಮಕ್ಕೆ ಅನುಮತಿ ನೀಡಬಹುದು. ಆದರೆ ಪ್ರವಾಸೋದ್ಯಮದ ಗುಣಮಟ್ಟ ಹೆಚ್ಚಾಗುತ್ತದೆ ಎಂಬ ನಂಬಿಕೆ ಇದೆ. ಇದರ ಜೊತೆಗೆ ಇದು ಪ್ರಕೃತಿಪ್ರೇಮಿಗಳು ಮತ್ತು ಅಧ್ಯಯನ ಸಂಶೋಧಕರಿಗೆ ಪೂರ್ಕವಾಗಲಿದೆ. ಈ ಪ್ರದೇಶ ಅಧ್ಯಯನ, ಸಂಶೋಧನೆಗೆ ಬಹುಮುಖ್ಯ ಕೇಂದ್ರವಾಗಲಿದೆ.

ಯಾವುದೇ ಸಾಮಾನ್ಯ ಅಥವಾ ವಾಣಿಜ್ಯ ಲಾಭದ ದೃಷ್ಟಿಯಿಂದ ಕಾರ್ಯಚಟುವಟಿಕೆಗಳನ್ನು ನಡೆಸಲು ಅರಣ್ಯ ಸಂರಕ್ಷಣಾಧಿಕಾರಿಗಳ ಅನುಮತಿ ಅಗತ್ಯವಾಗಿರುತ್ತದೆ. ಈ ಭಾಗದ ರಕ್ಷಣೆಗೆ ಅರಣ್ಯ ಸಂರಕ್ಷಣೆ ದಳಗಳ (Forest Mobile Squads), ಗಸ್ತುದಳಗಳ, ಸಿ.ಸಿ.ಕ್ಯಾಮೆರಾಗಳ ಮತ್ತು ಡ್ರೋಣ್ ನಿಗಾವಣೆ ಜಾರಿ ಮಾಡಬಹುದು. ಇದಕ್ಕಾಗಿ ಸ್ಥಳೀಯ ಸಮುದಾಯಗಳಿಗೆ ಪರ್ಯಾಯ ವೃತ್ತಿ ತರಬೇತಿ (Alternative Livelihood Training) ನೀಡುವ ಪ್ರಕ್ರಿಯೆಯನ್ನು ಅರಣ್ಯ ಇಲಾಖೆಯ ಸಹಯೋಗದೊಂದಿಗೆ ಜಾರಿಗೆ ತರಬಹುದು.

ಭಾರತದ ಇತರ ಸಮುದ್ರ ವನ್ಯಜೀವಿ ಅಭಯಾರಣ್ಯಗಳು:

ಈ ಸಚಿವ ಸಂಪುಟ ಅನುಮೋದನೆಯೊಂದಿಗೆ, ಅಪ್ಸರ್ಕೊಂಡಾ- ಮುಗ್ಳಿ ಕರ್ನಾಟಕದಲ್ಲಿ ಮೊದಲ ಸಮುದ್ರ ಅಭಯಾರಣ್ಯವಾಗಿದ್ದು, ಭಾರತದಲ್ಲಿ ಏಳನೇ ಸಮುದ್ರ ಅಭಯಾರಣ್ಯವಾಗಲಿದೆ. ಇದಕ್ಕೂ ಮೊದಲು ಅಂಡಮಾನ- 2, ಗುಜರಾತ್, ಒಡಿಶಾ, ತಮಿಳುನಾಡು ಹಾಗೂ ಮಹಾರಾಷ್ಟ್ರದಲ್ಲಿ ತಲಾ ಒಂದು ಸಮುದ್ರ ಅಭಯಾರಣ್ಯಗಳು ಇವೆ. ವಿವರ ಈ ಕೆಳಗೆ ಇದೆ ಗಮನಿಸಿ.

#	ಅಭಯಾರಣ್ಯದ ಹೆಸರು	ರಾಜ್ಯ / ಕೇಂದ್ರಾಡಳಿತ ಪ್ರದೇಶ	ಪ್ರವೃತ್ತಿ ಪ್ರದೇಶ (ಅಂದಾಜು)	ವೈಶಿಷ್ಟ್ಯಗಳು
1	ಗಲ್ಫ್‌ ಆಫ್‌ ಕಛ್‌ ಮರೈನ್‌ ರಾಷ್ಟ್ರೀಯ ಉದ್ಯಾನ	ಗುಜರಾತ್	457 km²	ಮ್ಯಾಂಗ್ರೋವ್, ಕಡಲ ಕಾಳಂಗ, ಡಾಲ್ಫಿನ್, ಆಮೆಗಳು
2	ಚಿಲಿಕಾ ವನ್ಯಜೀವಿ ಅಭಯಾರಣ್ಯ	ಒಡಿಶಾ	15.53 km²	ಬ್ರಾಕಿಶ್ ಲೂಣ ನೀರು, ಹಗ್ಗಮಕ್ಕಿ, ಇರವಾಡಿ ಡಾಲ್ಫಿನ್
3	ಗಹೀರಮಾತಾ ಸಮುದ್ರ ವನ್ಯಜೀವಿ ಅಭಯಾರಣ್ಯ	ಒಡಿಶಾ	1,435 km²	ಆಲಿವ್ ರಿಡ್ಲಿ ಆಮೆಗಳ ದೊಡ್ಡ ನೆಲೆ
4	ಗಲ್ಫ ಆಪ್‌ ಮನ್ನಾರ ಸಮುದ್ರ ರಾಷ್ಟ್ರೀಯ ಉದ್ಯಾನ	ತಮಿಳುನಾಡು	560 km²	ದ್ವೀಪಗಳು, ರೀಫ್, ಡುಗಾಂಗ್, ಸಮುದ್ರ ಕುದುರೆ
5	ಮಾಳ್ವನ್ ಸಮುದ್ರ ವನ್ಯಜೀವಿ ಅಭಯಾರಣ್ಯ	ಮಹಾರಾಷ್ಟ್ರ	29.12 km²	ಕೋರೆಲ್, ಮಣ್ಣಿನ ಘಾಸಿ, ಮ್ಯಾಂಗ್ರೋವ್
6	ರಾಣಿ ಝಾನ್ಸಿ ಸಮುದ್ರ ರಾಷ್ಟ್ರೀಯ ಉದ್ಯಾನ	ಅಂಡಮಾನ್ ದ್ವೀಪ	256 km²	ಕೋರೆಲ್ ರೀಫ್, ಟರ್ಟಲ್, ಡುಗಾಂಗ್
7	ಮಹಾತ್ಮಾ ಗಾಂಧಿ ಸಮುದ್ರ ರಾಷ್ಟ್ರೀಯ ಉದ್ಯಾನ	ಅಂಡಮಾನ್ ದ್ವೀಪ	281.5 km²	ಕೋರೆಲ್, ಮ್ಯಾಂಗ್ರೋವ್, ಉಪ್ಪಿನ ಕಾಡು
8	ಅಪ್ಸರಕೊಂಡಾ-ಮುಗ್ಳಿ ಸಮುದ್ರ ವನ್ಯಜೀವಿ ಅಭಯಾರಣ್ಯ	ಕರ್ನಾಟಕ	59.59 km² (5,959 ha)	ಆಮೆಗಳು, ತಿಮಿಂಗಿಲಗಳು, ಮ್ಯಾಂಗ್ರೋವ್

ಪ್ರವಾಸ, ಕಾನೂನು ಮತ್ತು ವಿಧಾನ ವ್ಯವಹಾರಗಳ ಸಚಿವ ಎಚ್.ಕೆ.ಪಟೇಲ್ ಅವರು ವಿವರ ನೀಡಿದಂತೆ, ಹೊಸದಾಗಿ ಘೋಷಿತ ಸಮುದ್ರ ವನ್ಯಜೀವಿ ಅಭಯಾರಣ್ಯದಲ್ಲಿ ಸಾಂಪ್ರದಾಯಿಕ ಮೀನುಗಾರಿಕೆ ಹಾಗೂ ಮೀನುಗಾರರ ದೋಣಿಗಳ ಪ್ರವೇಶಕ್ಕೆ ಯಾವುದೇ ನಿರ್ಬಂಧವಿಲ್ಲ. ಸ್ಥಳೀಯ ನಿವಾಸಿಗಳ ಹಕ್ಕುಗಳು ಹೀಗೆಯೇ ಉಳಿಯಲಿವೆ ಎಂದಿದ್ದಾರೆ. ಈ ಅಭಯಾರಣ್ಯವು 8.21 ಕಿಮೀ ಹೊನ್ನಾವರದ ಕಡಲ ತೀರ, ಕಡಲೊಳಗೆ 6 ಕಿಮೀವರೆಗೆ ಹಾಗೂ 835 ಹೆಕ್ಟೇರ್ ಅರಣ್ಯ ಪ್ರದೇಶವನ್ನು ಒಳಗೊಂಡಿದೆ. ಈ ನಿರ್ಧಾರದ ಉದ್ದೇಶ ಸಮುದ್ರ ಜೀವಜಾಲದ ಸಂರಕ್ಷಣೆಯಾಗಿದ್ದು, ಪರಿಸರ ಸಮತೋಲನ ಕಾಪಾಡುವುದು ಇದರ ಮೂಲ ಧ್ಯೇಯವಾಗಿದೆ.